استكشف اسرار الويندوز
الدرس الاول من سلسلة الكمبيوتر للجميع
كل يوم بتستخدم الويندوز و تتعامل معاه مسألتش نفسك ايه هو الويندوز ده ,,, طب فيه حاجات تاني بتعمل نفس عمل الويندوز
طب ايه اصدارات الويندوز
هي اسأله بسيطه و لكن هجاوبلك عليها بإختصار
الويندوز ده يسمي نظام تشغيل ,, يعني يخليك تتحكم في كل اجزاء الكمبيوتر بتاعك بسهوله و يسر
فيه انظمة تشغيل تانيه كتير مثل اللينوكس و الماك و غيرها بس الويندوز هو اكثرها شهرة و انتشارا علي الاقل عندنا نحن العرب
الويندوز ليه اصدارات كتير
windows 95 ,, windows 98 ,, windows millennium ,, windows 2000 ,, windows xp ,, windows vista
وفيه اصدارات تانية كتير بس الاكثر انتشارا دلوقتي هم xp , vista
هنتكلم النهارده عن بدايات استخدام الويندوز
عند تشغيلك للكمبيوتر و دخولك علي الويندوز يظهر لك سطح المكتب desktop كما في الصورة
من اهم القوائم في الويندوز قائمة ابدأ و منها ممكن تدخل علي اي جزء في الكمبيوتر و استخدام اي برنامج علي الكمبيوتر
لمعرفة عناصر القائمة دي انظر الصورة
تجد ان من قائمة ابدأ start يمكنك فتح البرامج المتستبة علي الجهاز و كمان ممكن تعيد تشغيل الجهازrestart او تغلقه منها بسهول و هي الطريقة السليمة لغلق الكمبيوتر كما يمكنك البحث عن اي ملف علي الكمبيوتر بسهوله كما في الصوره السابقة
اذا كنت تريد ان ترتب الايقونات علي سطح المكتب او لإعادة تنشيط سطح المكتب refresh او تريد تنشيء مجلد او ملف جديد او الدخول علي خصائص سطح المكتب
قم بالضغط بالزر الأيمن للماوس في اي مكان فارغ علي سطح المكتب
تظهر القائمة التالية
اذا كنت تريد ارسال نسخة من ملف الي مكان آخر في الكمبيوتر او تعمل قص لملف معين اي تنقله من مكانه الي مكان آخر
او كنت تريد نسخ هذا الملف او تعمل منه اختصار او تريد حذف الملف الي سلة المحذوفات
او كنت تريد تغيير اسم الملف
يمكنك الضغط بالزر الايمن للماوس علي الملف فتظهر القائمة التالية و تقوم بعمل ماتريد
صدعتكوا صح
قمت في الشرح ده بإختيار اسهل الطرق بس فيه طرق تانيه كتير بس اصعب نسبيا ممكن نتكلم فيها بعد كده
عارف ان الكلام ده بسيط جدا بس لو فيه اي استفسار ممكن تسألوه و ان شاء الله اقوم بالاجابه عليه
في الدرس اللي جاي ان شاء الله هنستكشف taskbar
اذهب للدرس الثاني استكشف اسرار شريط المهام taskbar
انتظروا المذيد
لمذيد من الدروس اذهب الي الموضوع
الكمبيوتر للجميع
أسألكم الدعاء بظهر الغيب
سبحانك اللهم و بحمدك أشهد أن لا إله إلا أنت أستغفرك و أتوب اليك